| تبليغات | X |
اوشاق و مكتب
ايسماييل اويار اوغلو
1948مكتبه گئدركن بيراوشاق
سئوينج لي دير
اوقدر كي
سئوينجيندن
تانيديغي تانيماديغي بوتون آغاجلارا
و قوش لارا سالام وئریر
نيفرتلره قارشي، د ه لي عوصياندي محبت
قوش دان وگونش دن تؤره ميش جان دي محبت
نور ائلچيسيدير قان قارالان چاغدا اينانديم
ظولمت سينهسين پارچالايان داندي محبت
قورخونج شبحدير دئيهسن سئوگيسيز آنلار
قانسيز ياشانان آنلارا قالخاندي محبت
مين ـ مين يازيلا آربادي هر سطري، اونونچون
مين كنده حؤكوم سورمهيه بير خاندي محبت
بير ميصراع ياشاتميشدي مني سؤز دوشونندن
نيفرتلره قارشي ده لي عوصيان دي محبت
سسله مني…
سسله مني…
اوزاق ـ اوزاق يوللار گئدن
ديلكلريم آرقيشلاري.
ائكيزلشك
توتاق اوْدا؛
خزانلاشميش كؤنوللره
آداخلانميش سرت قيش لاري.
سسلهمهسن
سسلهمهسن
دلي قانلي قوْرخونج فيكير
هؤپوردجك گنجلييمي
قودوز آزمان ديشلرينده.
سسله مني…
سسله مني…
شعر:جعفر ابراهیمی
چئویرن :بهروز صدیق
ها وا سئرچه اییسی وئریردی،
یئرسه اوچوش و بالیق.
پنجره نین قیراغینا گلدیم کی
سما اولا ،بیر من اولام،و باخیش.
سؤیله دیم گونشه پار- پار پارلاسین،
اؤپوش لر یاغیشین یاغدیر سین منه.
يازين كوله يينه سؤیله دیم کی من،
ال قول آچیب اویناماغین باشلاسین.
منیم گؤزلریمه اؤپوش ووروردو
گول گونشین ایستی گولو، کوله ک ده.
سئوینیردیم پنجره نین یانیندا،
هاوا ایسه سئرچه اییسی وئریردی.
قايناق
: بوي كال ياس 
بوراخسان قاپاجاق بو ايت اوغلو ايت
_
غفيل گلن بو آغريني دئييرم- سس لر گلير؛قيزيل گولون اوغونتوسوتاخيل تارلاسينا آچيلان آتوشگه سانكي.
گئرچك اولمور،
كؤپك سرطانين مني ياخالاما ائحتيمالييارامي بوغدا باغلايير.
تبريزخسته خاناسي اسفند ۸۷
آلبرت ارنشتاين
ALBERT EHRENSTEIN
1886- جي ايلده "وين" ده دوغولموش1950- جي ايلده آمريكا دا دونياسيني ده ييشميش دير.تانينميش كيتابلاريندان"آغ زامان" "قيرميزي زامان" "اينسان آدديم آتير"وشعير توپلوسو "اشعار "آدي آلتيندا ايشيق اوزو گؤرموش دور.
اوشاقلار پاركي
سنده سئويرسن ساحيلي،
اوراداكي منيم روحوم،
چرپلنگ لرله،
مرج اوستونده اوچار اولدو.
اويناماق چون گؤزل قوملار وار اورادا
سو اوزونده اوزور قازلار
و اورد ك لر جوجه لرين سسلر اوردا
سني نيسگيل سارماميشدان،
بير سس دانيشير:
قولاق آس، هله كوله ك اسمير.
درين يوخلا، گله جه يين يولو كوردور.
قايناق: مرگ من روزي...فروغ فرخ زادين آلمان شاعير لريندن چئورديگي شعير توپلوسوندان توركجه يه چئوريلميش دير.
حسن لطيف ساري يوجه 1929
من خسته ايكن
من خسته ايكن آنام
گؤي اوزو
يئنه
ماوي ماوي گولومسه دي مي؟
من خسته ايكن آنام
بولودلار
يئنه
كؤلگه داشيديمي اوزاقلارا؟
من خسته ايكن آنام
قوشلار
يئنه
كئچديمي ائويميزين اوستوند ن؟
من خسته ايكن آنام
كؤرپه لر
يئنه
بؤيودومو آنالاري اؤپركن؟
اي منيم گؤزلهيهنيم! گؤزله مني گلمهلييم
و گليب آغري باغيندان آغيلار درمهلييم
ياغيشا قارشي آچيلميش، من او جوت پنجرهني
بؤرتیکان چرتمیش الیمله گونشه سرمه لی یم
آغلاییب يوللارا آدديملاريمي يول اوزونو
داغينيق ساچلارينا اؤلمز اثر بستهلييم
گليرم هئي گليرم يوللارا آلقيش نه ياغيش!
من گرك تر باخيشينلا گئجهني حربهلييم
بير چوبان ني ووراجاق، اوخشاياجاق كؤنلوموزو
آغلاماق بسدي داها، گول، سنه گول درمهلييم
تانییرسانمی منی؟گؤوده می طوفان سارمیش
اودو شعريمده گولوم منده حزين كلمهلييم
دؤرد فصيلدن بيري يازدير منه دردين يازدير
گود مني، گؤزله مني، گلمهلييم، گلمهلييم.
(....)
شه هر
گؤزیاشیندا
گومولموش گلین.
دومان پنجره مده
دارا چکیلمیش
یاغیش یول یئرییر
تر یاناغیمدا
تاپدیغیم بیر قورتوم
قان؛
چاناغیمدا.
اعتراض
ایسته میره م کیفسیمیشِ
ایستکلرین الینده
بوخوولانا ايسته ييم.
ایسته میره م یاشامیم
آغری یاغان
دؤرد دووارین
اوره یینده قویلانا
یازیق آنام یاشادیغی
گون کیمی.
"ساییر باییر"
حسرتلی گئجه لر
آیسیز گئجه لر
اوره ییمی ایشدن سالمیش گئجه لر
اولدوزلاری داللانمیش گئجه لر
قارانلیق
قانلی
قارلی
قانسیز گئجه لر
گونش سیز
اومودسوز
باهارسیز
بارسیز گئجه لر
سیزی یاشامیشام یانمیشام.
یانماق یاشام دئییل می؟